غـــــــــــــــــــــــــــــــــــزة تستغيث!!!

غزة تستغيث يا مسلمين

فاغيثوها حتى لو بالدعاء

ممنوع ال LAPTOP

ممنوع ... ممنوع ... ممنوع

الكلمة ديه بنسمعها كتير .. بس اما تتحط في مكان غير مناسب مبيكنش ليها اي لازمة

ياما حلمنا اننا نطور من كليتنا .... فكرنا اننا نواكب العصر في كل في شغلنا

فرحنا جدا اما طوروا المدرجات وحطوا فيها داتا شو .. قلنا في امل ..

لكن للاسف طلع عمر مش امل .. لانها مكملتش سنة واتشالت

قلنا خلاص حنعتمد على نفسنا ونجيب من عندنا .. رغم ان الكلية لازم توفرلنا

ابحاث ورا ابحاث وعروض ورا تقديمات .. من اولى لرابعة واحنا في الموال

اخر الابحاث كان من يومين .. اعدنا بعد البحث بنحضر للبحث القادم وبننسخ للدكتورة الcd

نفاجأ بشخصية فضولية طلعتلنا من تحت الارض ( معرفش بجد طلعت منين ) لا وجاية تدخل معانا في الحوار

سألناها سؤال واحد : مين حضرتك ؟؟ اجابت ..( موظفة امن هنا في الكلية )

من حقك تمشي في الكلية اه لكن تطلع على حاجات الناس بالطريقة ديه لا

المهم الموضوع منتهاش على كده وحصل شد بين بنت والموظفة بسبب اسلوب الموظفة الغير لائق

بتقولي في لوائح وقوانين بتمنع دخول اللاب توب الا باستأذان .. فبقولها طيب انا عايزة اشوف اللوائح ديه .. ترد تقول لا ديه ممنوع الاطلاع عليها

الهيصة اتفضت ان احنا غلطانين اننا دخلنا بالاب توب الكلية.. وهي الحقيقة ان احنا غلطانين اننا حبينا نطلع من النظام الروتيني للابحاث .. ونواكب التكنولوجيا رغم ان الكلية موفرتلناش ده بس بنحاول نجيبه

وغلطانين اننا اتكلمنا مع الموظفة ومرحناش للحرس خلصنا الموضوع ده

بعد كده كل واحد لازم يعرف في شنطة كام منديل نظيف وكام منديل مستعمل ومستأذن دخولهم ولا لا


جودة ايه اللي بيتكلموا عليها اذا كان مانعين الطلبة يدخلوا الكلية بللاب توب

جودة ايه.. اذا كان ممنوع للطلبة الاطلاع على لوائح الجامعة


يعني جايين على اخر سنة ....ربنا يتوب علينا ونتخرج باذن الله

welcome vista

اخيرا ....وبعد طول انتظـــار
اخيبرا نزلت الفيستـــــــــا
المفروض العملية دي تتم من فترة كبيرة.. بس قدر الله ما شاء فعل
اتعودت اني اواكب تطور العصر .. بس حصل كام حاجة كانت سبب في التأخير
وكل تأخيرة وفيها خيرة

اخيـــــــــــــــــرا ....

welcome vista in my life

عيوني تشتاقلوا..

بداية كل عام وانتم بخير بمناسبة عيد الاضحى المبارك اعاده الله علينا وعليكم بالخير واليمن والبركات
وربنا يجمعنا العيد القادم فوق عرفات باذن الله

كثير ما نشتاق الي اشخاص رحلوا عنا ... او فرقتنا الايام عنهم

ويأتي العيد تلو العيد واشتياقي للامكنة يزيد ويزيد...

منها ما كنت اقضي العيد فيه مع صحبة اتمنى القاهم في الجنة...

ومنها ما لا اريد الذهاب اليه مرة اخرى ..ولكني عندما ارى صوره تدمع عيناي لاعياد قضيناها هناك....

ومنها ما يجمعنا هذا العيد ولاا ادري اهذا اخر عيد لي فيه ام ساذهب اليه مرة اخرى

هناك اماكن حقيقية بالفعل وهناك اماكن ليست الا مجرد عالم اخر بعقولنا ..عالم ايهامي

لكم تكلمنا هناك عن فراق الامكنة ...ولكن ليست تلك الامكنة التي اعنيها لانني مازلت هناك بها ولا ادري في اي وقت سأرحل عنها



نعم ..قد تحكم علينا الايام بترك هذه الامكنة رغم ارتباطنا بها رغم حبنا لكل بقعة فيها ...ولكن وقتها يجب ان نقف وقفة مع انفسنا



بالفعل انها امكنة كثيرة.... ليس المهم اين ولماذا رحلت عنها ...لانه سيأتي الكثير والكثير بعدنا وقد تمحو الايام اسمائنا من هناك ولن يتبقى هو حب نمى في طاعة الله وصحبة موعدنا معها في الفردوس الاعلى باذن الله

ربي..اشتقت إليك!!

أما آن لنا ان نعود !!!
ها قد رحل رمضان وبدأت العشر من ذي الحجة

أما آن لنا ان نعود!!!

غفلتنا عنه ...شغلتنا الدنيا بشهواتها عن عبادته

عهدناه على عدم العودة وعدنا لمعاصينا

تعاهدنا عى السير في الطريق الصحيح ولم نكمل المسيرة

أما آن لنا أن نعود !!!

ذقنا حلاوة القرب منه ... وصعوبة البعد عنه

اشتقت لركعيتن في ظلمة الليل يفتح لي بهم ابواب السماء

اشتقت ليد ترفع تدعوه وعين تدمه من خشيته

أما آننا أن نعود!!!

ما احنه على عباده ...

هل ضاعت كل السبل التي تربطنا به ...

هل راضٍ عنا !


أما آن لنا آن نعود!!!

حقا لقد آن لنا أن نعود ..فهيا بنا لنشمر للجنة .. لنبدأ من العشرة من ذي الحجة

ولتكن بداية جديدة لنا ، لعل ان تشفع لنا يوم لا ظل الا ظله

26-11

تمر الأيام ...وتمر السنة تلو الاخرى...ويأتي هذا اليوم ليعلن انه بداية عام جديد لها

اللهم اجعله عاما سعيدا لها...وليكن بداية لعمر جديد...بصفحة ناصعة البياض

كل عام وانتِ الي الله اقرب وعلى طاعته ادوم ولكتابه احفظ وللجنة اقرب وعن النار ابعد وفي دعوته انشط وانشط

هي الأيــــام دائرة

أيام مضت كانت اشبه بكرات الثلج

بيضاء .. ناصعه .. شفافه

ايام مضت تركت في قلبي اجمل ذكريات

ذكريات غاليه على قلبي ..لانها كانت معكم

نعم كانت معهم ...

اللهم اني احببتهم فيك فاجمعني بهم في فردوسك الاعلى

الصبر

في بعض الأحيان أتضايق إن لم أحقق أمنيتي بالطريقة التي أريد... و اتذمر من أن الامور تسير عكس التي رسمتها في مخيلتي. لكني اتفاجأ فيما بعد أن الله قد حقق لي أمنيتي بطريقة أخرى غير التي فكرت بها ..... فأجد أن هذا القدر أفضل مما خططت له.... فأشكر الله و كلي ندم و خجل من السنين التي قضيتها ألوم فيها حظي

نعم بالفعل علينا ان نصبر ... ان لم نتعلم الصبر فماذا نتعلم؟!!

أحسنت

أحسنت...!!

كلمة.... الاطفال كلها بتفرح اوي لو سمعتها من مدرسينها

كلمة... تشعر الطفل بالثقة بنفسه . .. وتخليه يتقدم اكتر للاحسن

كلمة ... تعني الكثير والكثير للصغار .. فما بالكم بالكبار..!؟؟



يمكن عمري محسيت بالكلمة ديه غير ايام الطفولة وايام حصة الاملاء

انهارده ... حسيت بنفس احساس الاطفال اما تتقلهم العبارة ديه




مع ايام التربية العملي وذكريتها الجميلة .. انهارده كانت الزيارة الثالتة لمدرسة مبارك اللي بننزلها..الحمد لله كانت زيارة موفقه

اكتر حاجتين لفتت نظري او مكنتش اتوقعهم....

الاولى .. ان ميس خديجة كتبتلي احسنتي في الكشكول ..(الاول احنا بنقول للمعدات ميس علشان الفرق بينا وبينهم قليل) ...وميس خديجة يقال عنها ومعروف انها مش بتقبل اي شغل ..لازم يكون ركن مثمر في كل النواحي
فاما تكتبلي احسنت حاجة محتاجة التدوينة ديه





ثاني حاجة لفتت نظري او خلاص اتاكدت منها

عمر ما يوم التربية العملي حيعدي والدكاترة يكونوا راضين عنك والاطفال ربنا هديهم ..غير اما يكون امهاتنا واولياء امورنا راضين عننا
بجد عمري مكنت اربط بين ده وده خالص .. بس اما بتكرر يبقى رضا الوالدين ده شيء كبير اوي


الحاجة الاخيرة اللي نفسي كل ما يكون عندي احباط من يوم التربية العملي افكر نفسي بيها... هي ( إن الله لا يضيع اجر من احسن عملا)

بجد ربنا عمره ماحيضيع سهر الليالي في الشغل اللي بنعمله .. ممكن شيء بيسط جدا منكنش متوقعين انه يعجب اي حد يعجب الاشراف كله



الحمد لله

Back to trbya 3amali

تمر الايام تلو الايام... ونعود من جديد لرحاب التربية العملي نعود لها بحلوها ومرها ... واطفالها ودكاترتها.... نعود اليها واعيننا بها امل كبير بان نربي جيل جديد تربية صحيحة

انهارده كان اول يوم تربية عملي لعام 2008 ... اول يوم ننزله في سنة رابعة

السنة اللي فاتت كان اليوم ده مسبب لنا قلق .. وبمجرد ما رحنا وعرفنا النظام انتهي القلق تماما



السنة دي الشعور مختلف...

السنة دي عندنا 10 مواد نظري بالسكاشن بتاعتهم... يعني بنتواجد في الكلية يوميا من 8 لي 6 الواحد محتاج يوم اجازة ..محتاج يوم يبعد فبه عن المدرجات ....

وهنا جاءت اهمية التربية العملي رغم ان معظم دفعتنا مبتحبش اليوم ده علشان كمية الشغل العملي اللي بنعمله علشان بنقدمه للاطفال....

بس انا بختلف معاهم تماما في هذا المفهوم... انا اليوم ده عندي يعتبر يوم بيجددلي حياتي كفاية ان الواحد يدخل يعد مع الاطفال يعلمهم حاجة مفيده يغرس فيهم قيم جديدة...

يمكن اليوم ده اليوم اللي الواحد بيفرغ فيه طاقته بحب اليوم ده اوي ...

بحب انزل الحوش مع الاطفال ونجري ونلعب ونتنطط ...وبعدين اطلع احفظهم نشيد جديد ونعمل عرض عليه ونعد ونفطر مع بعضينا.....
اليوم ده مفيد ليا قبل ما يكون مفيد للاطفال علشان بروح ابحث في المعلومات اللي حقولهلهم فبستفاد اكتر يومي مع الاطفال بيرجعني 15 سنة ورا ...واللي يشوفني معاهم ميصدقش اني طالبة في جامعة


خواطري كتييير مع الاطفال لان الطفولة جزئ لا يتجزأ مني

تك تكنولوجيا .... تطور

عندما قررت ان اتطور

في يوم من الأيام دار بيني وبين نفسي هذا الحوار

انا: نفسي اعمل حاجة جدبدة
نفسي: ايه رأيك تطوري الجهاز بتاعك.. يعني تنزلي عليه فيستا ولا بتاع؟!!
انا: بجد فكرة.. بس البتاع اللي اسمه فيستا ده محتاج رامات محترمة علشان يبقى صاروخ
نفسي: بسيطة.. قولي لاخوكي وهو مش حيعترض!!






المهم رحت لموست اخويا وقلتله رد كالعاده.... طب والبرينتر اللي الفيستا منزلتلهاش دريفر حتكون من حظ مين ؟؟
( على اساس كل الاجهزة عندنا شغالة بالفيستا عدا انا علشان الباشمهندس البرينتر

وبعد مناقشة ... قررنا البحث عن دريفر البرينتر لعلنا نجده ... وبالفعل استغرقت عملية البحث حوالي ساعة ونصف واخيرا وجدناه ونزل اخي المبجل لشراء رامات وعندما عاد فوجئنا ان الريتر يحتاج الي جمبر ..

المهم بعد ما جابه بيقفل الكمبيوتر ويفتحه مرضاش يفتح ؟؟؟ وفشلنا في فتحه مرات عديدة ..

وقرأ اخي عليه الفاتحة ..وقلنا حنوديه لواحد يشوف اخره ايه؟؟



بعيدا عن كل الكلام ده .. انا بجد ارتبطت بالكمبيوتر ارتباط جامد اوي ...بيني وبينه علاقة محدش يعرفها غيري
هي اكيد فرصة الواحد بتفرغ شوية للعالم الواقعي...ويشوف الحاجات المقصرفيها ويحاول يرفع الدنيا

في انتظار عودته بفارغ الصبر

paradise

بلسم حياتي


الفديو ده نازل من فترة...

طريقة تناولهم عبارة ( لا اله الا الله ) بالطريقة ديه عجبتني اوي

انا معرفش هما تفكيرهم كده ولالا .. بس اما يغرسوا في الطفل حب لا اله الا الله وحب الجنة بطريقة زي ديه خطوة جميلة اوي



كلمات الاغنية

هي بلسم حياتي ... هي في القلب يقين لا إله الا الله
ونجاتي بيوم الدين ... لا إله الا الله

اول اركان الدين ... اول خطوة في طريق الدرب حقيقي مش خيال
بطريق الجنة واتمني ... دي الجنة اغلى منال

والقى في الجنة كل أحبابي.... هو ده اللي بتمناه طب يالا معايا يا كل اصحابي ... حققوا لي احلى مناه
نمشي سوا في درب اله.. وبالعمل الصالح نلقاه وبلا إله الا الله


وإن كنت انا عندي ذنوب ... أنا بردو من بني ادم
كل بني ادم خطائين... لكن لما اغلط بستغفر ماهو خيرنا التوابين

مش لازم كل حياتك تبقى ... كلها ذنوب بذنوب خلي الدنيا دي تشوف من خيرك.... من دينك المحبوب
بلغ ولو آيه كده ... اتعلمنا من رسول الله قول لا إله الا الله

من اكتر الكلمات اللي عجباني في الاغنية ويمكن اكون كتبت البوست علشانها اللي مكتوبة بالاحمر

رئيس قسم التشريح

عندما علمت بما قد نشرته جريدة رزواليوسف على ابي اول ما لاح بخاطري حلقة الاستاذ عمرو خالد وكلامه عن انه اذا ابتليت فاعلم ان بعد كل ابتلاااااااء نعمة عظيمة اشكر الله سبحانه وتعالي على هذه النعم العظيمة التي وهبنا اياها .... الحمد لله

طيب هيه ايه القصة ؟؟ وايه اللي نشرته تلك الجريدة المعروفة بالكذب لكي تبيع وتتنتشر بين الناس؟؟؟ ومين الدكتور عبد المنعم ؟؟

القصة باختصار .. ان في كلية طب جامعة المنوفية قرر وكيل الكلية قرار بفصل البنات عن الولاد في المحاضرات ..علشان يعرف لو بنت حضرت مكان ولد او العكس

المهم الطلبة في منهم اعترض وفي منهم سكت كالعادة ...فالجريدة ديه نزلت تعمل تقرير وكلمت الطلية .. وكلمت بعض الدكاتره


ونزلت تاني يوم بكلام جديد وحوارات مزورة واتهامات فاشلة ...








طبعا الصورة مش باينة ولا المقالة ... بس كفاية العناوين اللي بالاحمر ... محدش يسألني طب ورئيس القسم ماله بالموضوع ده ...


وطلبة طب مسكتوش .. عجبني رد فعلهم فتحوا نقاش على منتداهم علشان يفكروا ايه رد فعلهم ( منتدى كلية اون لاين)



وعملوا جروب على الفيس بوك علشان ينشروا الموضوع ده



منذ ان سمعت هذا بهذاالموضوع وانا لم تفارق تلك الايات لساني

﴿ الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ ﴾



فلتصبر يا أبتي

رمضان والعيد

منذ أيام قلائل فارقنا أحب الشهور إلينا ... انه شهر رمضان الكريم .. تقبله الله منا ومنكم

اللهم إن كان في العمر بقية فبلغنا رمضان القادم

.................................................................................

وفور انتهاء رمضان .. جاء العيد ليدخل على قلوبنا البهجة والسرور

كل عام وانتم بخير

اخيرا عدت لاكتب في هذه الصفحات المقربة لقلبي

اهلا رمضان

Boomp3.com

هبت نسائم ليالي رمضان والعتق من النيران ...



فلنشمر لها وليكن شعارنا " وعجلت إليك ربي لترضى "



وليكن منهجا " لن يسبقنا إلى الله أحد "



ولنصبر سويعات حتى نفوز بالجنـــــــــــــــــــــات



فهذه والله أعظم الصفقات ...





كل عـــــــــــام وأنتم بخير

كن جميـــلاً

يحيي حوى من المنشدين المتميزين ربنا يبارك فيه ... بحس انه عايز يوصل شيء معين بفنه وبالفعل كليباته ناجحة بدرجة كبيرة




بداية بكليبه الاول قلبي شذا ويليه حياتي كلها لله

واليوم يتطلع بالكليبه الجديد كن جميلا




ابتدى بكلماته يكلم الشخص اللي قدامه ... والاسلوب ده بيفضله الكثير من الشباب


عجبني الكليب ده في انه واخد مراحل العمر بداية من الولادة هو وقفها عند الزواج بس ممكن يكون هدفه توجهيه الكلام ده لفئة الشباب

وفكرة انه يدي للي قدامه فكرة ايجابية في كلماته ده بيزيد من معنى الانشودة

بحـــــــــــــــــــــــــر

هيـــــــــــــــــــــــــــــــــه حنصيف

عندما يأتي الصيف وتشتد حرارة الشمس .. يحلم كل كبير وصغير باليوم الذي سوف ينطلقون فيه الي اي بلد تقع على بجر

ليستمتعوا بصفاء الهواء ونقاء المياه بعيدا عن ضغوط وارهاق العمل...

فيستعد كل افراد الاسرة لرحلة كم انتظروها .. ويقرر كل منهم ماذا سيجلب معه في هذه الرحلة

يالا نروح البحر

وللاطفال متعة خاصة في الذهاب للشاطئ لا يشعر بها إلا هم

قد تكون هذه المتعة على حساب الاهل من جهد وتعب في الاعداد للسفر .... ولكن الجميع يسعد ويفرح بفرح ذلك الكائن الصغير


ولكل طفل اسلوبه الخاص في استمتاعه


يا انا يا الموجة

فهناك من يجد متعته في مصارعة الامواج والقفز من فوقها ... ومن منا سيسقط من شده الموجه ومن منا سيكمل المسير

والي الان لا اجد متعة في البحر الا لو صارعت امواجه

الحصــــــــن المتين

وهناك من يجد متعته في صنع قلاع ومنازل بالرمال .. على ان تكون قريبة من البحر .. ونقوم بعمل حاجز ضخم ليوقف الموج حتى لا يصل الي تلك القلعة التي بنيناها

ونتمنى ان يأتي اليوم التالي ونجد قلعتنا صامده لم تتأثر باي مأثرات


واااااااااااااااااااااااو

وهناك من يجد متعته في الجلوس على الرمال المبتلة وانتظار الموج حتى يأتي بشده فتصرخ من شدته وفرحها بمجيئة

وكلما تراجعت الموجه تقدمنا قليلا قليلا حتى تغمرنا المياه في المرة القادمة

بالجزمة والشراب على الرملة

وهناك من لا يحب ان يبتل ولو قدمه من هذه المياه فيرفض ان يتقدم خطوة نحوها ويكتفي فقط بمراقبة الاطفال وهم يلعبون ومستمتعين بالحياة



لحظة تأمل .. هل سنلتقي!!

وهناك من الاطفال من يبحث عن مكان هادئ ليتأمل البحر بما فيه وتدور في رأسه العديد من الاسئلة ( من خالق هذا البحر العظيم؟؟ هل لهذا البحر م نهاية ؟؟ ماذا لو سبحنا الي نهايته؟؟ هل يمكن ان يبتلع البحر احد؟؟ اين تذهب ادوات اللعب بالرمال حينما تأخدها المياة ؟؟) والكثير والكثير من هذه الاسئلة

وهناك من يودع البحر وهو عائد اللي بيته يودعه وهو يتسأل هل سألقاك في العام القادم .. هل سأعود لألعب برمالك واسبح مع اصدقائي فيك

بالطبع كل منا مر ببعض من هذه المراحل او بها جميعها وشعر بمتعتها .. وتمنى لو اصبح صغيرا مرة اخرى ليلعب بالرمال وليصارع الامواج و.......

يااااااااااه بجد الطفولة ديه ليها ذكريات جميلة اوي .. يمكن عمرنا محسينا واحنا اطفال انا ممكن نكبر ونعد نفتكر كل حاجة صغيرة و كبيرة

لكم احن لهذه الطفولة البريئة

تحدي وقوة

Boomp3.com


الاغنية ديه فيها شيء غريب بجد... كل ما اكون فقدت الامل في شيء بشغلها بتدي حماسة فظيعة



فيها تختلط معاني الامل مع الحلم مع الصبر مع العزيمة

happy birthday to me

اخر لحظات من يوم ميلادي ال 21 بكتب البوست ده

انهارده يوم ميلادي

تميت 21 سنة عقبال عندكم كده

ربنا يجعلها سنة سعيدة ..

افـــــــــــــــراح

افراااح الصيف ده ما شاء الله كتيرة عقبالكم يا عوانس

اخـــــيرا وبعد طول انتظار .... دبسنـــــــــــــــــــاهم




في صيف 2008 تم كتب كتاب 2 من رفقاء ... دا غير شيكو


بجد فرحتي بيهم متتوصفش ... بس بردوه حتى لو اتجوزتوا حتفضلوا اطفال .. مفيش فايدة يا طفولة

بدأنا بنوران وجربوا فيها

ويليها ابتو 31-7-2008

وانهارده كانت يويا 8-8-2008

اختارت اليوم ده علشان يبقى يوم تاريخي في حياتها

ومنتظرين خطوبة لولو فيالاسبوع القادم باذن الله




ربنا يسعدكم ويبارك فيكم .. ويرزقكم الذرية الصالحة



وعقبال باقي طفولة وغير طفولة

شو قال بيقولوا.mp3

احلـــــى حياة

خلي حياتك بالأمل أحلى حياة
وإبدأ طريقك للي تتمنى لقاه

لو فاضت الدنيا بحور بهمها
خللي ابتسامك للغرق طوق النجاة
...

ما تقولش أصل حياتي أشواك ولحود

ما تبص فوق هتلاقي فوق الشوك ورود

خللي النهارده دي أحلى لحظة

في الوجود

حليها بالحب الحقيقي

للإله
آه

حكمة ومثل عند اللي عاشوا بالأمل

لازم نهاية كل هم تلاقي حل

لو يوم طريقك تلقي فيه حفرة فشل

مش يعني مشوارك خلاص

عديها وامضي للسماء

افرح وخللي الهم لأصحاب الهموم

إحنا صحاب الهمة وأملنا يدوم

وطريقنا في الدنيا سبق ويا الغيوم

نسبقها للعالي ومطرنا للبشر

حب وندى

...

خلي حياتك بالأمل أحلى حياة

وإبدأ طريقك للي تتمنى لقاه

لو فاضت الدنيا بحور بهمها

خللي ابتسامك للغرق طوق النجاة

JuSt DrEaMs

عندما ننام كالاطفال .. عندما لا ندري ما معني الاحلام

عدندما نستيقظ ولا ندري أين كنا ... وما هذا العالم الخيالي الذي نراه

من هؤلاء الاشخاص !!!


عندها نسأل امهاتنا ماذا تعني الاحلام !!!

هل كل إنسان له عالم خيالي .. يحدث به ذاته ؟؟









وعندما نكبر ...

تبقى الاحلام كماهي ...سواء كانت في الصحو او المنام

نتخيل السعادة .. ونبحث عنها ..نركض في كل مكان من اجل تلك الاحلام

لا نعلم الى اين تأخذنا الحكاية ...او الى اين ستنتهي بنا فيها البطولة

نصنع من انفسنا رؤساء .. امراء .. عاشقين

وربما نتخيل اننا في الحياة مخلدين

لا عليكم .. مجرد احلام ........تمضي ونحن معها نمضي

نبنيها رويداً رويداً .....وفي لحظة الواقع

نصحوا من جديد .......نتفقد المكان

فإذا بها تنهار تلك الاحلام






لأنها مجرد احلام

الحب الأجمل

ما اعجب هذا الحب

وما احلاه من حب

نجــحـــــــــــــــــــــــــــــــــت

بعد شهور وايام وساعات ودقائق وثواني وفيمتو ثانية


بعد دا كله من المذاكرة ووجع الاعصاب وسهر الليالي على العملي وترتيباته


بعد طول انتظـــــــــــــــار....


اخيـــــــــــــــــــــــــــــراً نجحت ... (بعد ما كنت متوقعة اني اشيل مادة او اكتر )

الحمد لله


جبــــت جـــيد جدا

فاضلي سنة واخلص الدراسة الجامعية


هــــــــــــــــــــــــانت خلاص